కాంగ్రెస్‌ది ఓవర్ యాక్షన్ : నారాయణ

కడప ఉప ఎన్నికల్లో కాంగ్రెస్ పార్టీ ఓవర్ యాక్షన్ చేస్తోందని సీపీఐ రాష్ట్ర కార్యదర్శి నారాయణ అన్నారు. ఆయన మంగళవారం ఇక్కడ మీడియాతో మాట్లాడుతూ పదిమంది మంత్రులను కడపలో ఉంచి ఎన్నికల్లో విజయం సాధించాలని కాంగ్రెస్ విశ్వ ప్రయత్నం చేస్తోందన్నారు.

ప్రజా సమస్యలకు గాలికొదిలేసి మంత్రులు కుక్కల్లా పులివెందుల, కడప చుట్టూ తిరుగుతున్నారని నారాయణ ఘాటుగా వ్యాఖ్యానించారు. ప్రభుత్వం కోమాలో పడిపోయిందని ఆయన అన్నారు. కడపలో టీడీపీ తరపున తాము ప్రచారం చేయనున్నట్లు నారాయణ తెలిపారు. ఆపార్టీలోని సంక్షోభం సద్దుమణుగుతుందని భావిస్తున్నాననినారాయణ ఆశాభావం వ్యక్తం చేశారు.

C.P.I, Congress