తెలుగుదేశం పార్టీలో వారసత్వ పోరు లేదు!: బాలకృ,ష్ణ

తెలుగుదేశంలో పార్టీలో వారసత్వ పోరు లేదని నందమూరి హీరో, యువరత్న బాలకృష్ణ అన్నారు. నందమూరి-నారా కుటుంబాల మధ్య ఎటువంటి వారసత్వ పోరు లేదని, అదంతా మీడియా సృష్టేనని బాలకృష్ణ కొట్టిపారేశారు.
బావ, తెదేపా చీఫ్ చంద్రబాబు నాయుడుకు జన్మదిన శుభాకాంక్షలు తెలియజేసిన అనంతరం మీడియాతో మాట్లాడిన బాలకృష్ణ.. తమ రెండు కుటుంబాల మధ్య వారసత్వ పోరు మీడియా సృష్టేనని తోసిపుచ్చారు.
మీడియా సృష్టించిన ఈ వారసత్వ పోరును మీడియానే పరిష్కరించాలని బాలకృష్ణ వ్యాఖ్యానించారు. నందమూరి కుటుంబమంతా కలిసే ఉందని బాలయ్య ఈ సందర్భంగా స్పష్టం చేశారు. 62వ ఏటలోకి అడుగుపెట్టిన వియ్యంకుడు చంద్రబాబు మరిన్ని పుట్టినరోజులు జరుపుకోవాలని, తెలుగుదేశం పార్టీ తిరిగి అధికారంలోకి రావాలని బాలకృష్ణ ఆకాంక్షించారు.

T.D.P