|
|
అవినీతిపై సమరభేరీ మోగించిన సామాజిక కార్యకర్త అన్నా హజారేకు అవినీతి రారాజులు గాలి జనార్ధన్ రెడ్డి, వైఎస్.జగన్మోహన్ రెడ్డిలు మద్దతు తెలుపడం విడ్డూరంగా ఉందని రాష్ట్ర మంత్రి డీఎల్.రవీంద్రా రెడ్డి వ్యాఖ్యానించారు. ఆయన శనివారం మీడియాతో మాట్లాడుతూ ఈనెల 16 లేదా 18వ తేదీల్లో కడప లోక్‌సభ ఉప ఎన్నికల కోసం నామినేషన్ దాఖలు చేయనున్నట్టు ఆయన తెలిపారు. ఈ ఎన్నికల్లో తమ పార్టీ తప్పకుండా విజయం సాధిస్తుందనే విశ్వాసాన్ని వ్యక్తం చేశారు.
ఈ ఎన్నికలు ధర్మానికి, అధర్మానికి జరుగుతున్నవిగా ఆయన పేర్కొన్నారు. తండ్రి అధికారాన్ని అడ్డుపెట్టుకుని ప్రజల సొమ్మును అక్రమంగా దోచుకున్న వైఎస్.జగన్మోహన్ రెడ్డికి తగిన గుణపాఠం చెప్పాలని ఆయన పిలుపునిచ్చారు.
0 comments:
Post a Comment