బాబుకు పనీపాట లేదు.. విమర్శించడమే దినచర్య: చిరు

తెలుగుదేశం పార్టీ అధినేత చంద్రబాబు నాయుడుపై ప్రజారాజ్యం పార్టీ అధినేత చిరంజీవి విమర్శలు గుప్పించారు. పనీపాట లేకుండా మరొకరిపై విమర్శలు గుప్పించడమే ఆయన దినచర్యగా మారిందని దుయ్యబట్టారు. తమిళనాడు రాష్ట్ర శాసనసభకు జరుగుతున్న అసెంబ్లీ ఎన్నికల్లో భాగంగా డీఎంకే-కాంగ్రెస్ కూటమి తరపున చెన్నయ్‌లో ప్రచారం నిర్వహించారు.

ఈ సందర్భంగా ఆయన ప్రసంగిస్తూ కుటుంబ పాలన గురించి చంద్రబాబు మాట్లాడడం సరికాదన్నారు. ఆయన కూడా ఎన్టీఆర్ కుటుంబం నుంచి వచ్చిన వారేనన్నారు. అలాంటి వ్యక్తి కరుణ కుటుంబ పాలన గురించి విమర్శించడం సరికాదన్నారు. తమిళనాడు అన్ని రంగాల్లోనూ అభివృద్ధి చెందిందన్నారు.

ఇక్కడున్న పార్టీలు కేంద్రంపై ఒత్తిడి తెచ్చి పలు పథకాలను సాధించుకుంటున్నాయని చెప్పారు.
ఆంధ్రప్రదేశ్ ఎంపీల అసమర్థత కారణంగా అనేక ప్రాజెక్టులు వెనక్కి వెళ్లి పోతున్నాయని పేర్కొన్నారు. కొంతమంది నేతలు చేసిన అవినీతి కారణంగా పార్టీని తప్పుబట్టలేమన్నారు.

Congress, T.D.P